پہلےٹیسٹ کے چوتھے دن کےکھیل کے اختتام پر 342 رنز کے تعاقب میں پاکستان نے 3 وکٹ پر 222 رنز بنالیے ہیں۔ پاکستانی اوپنر عبداللہ شفیق نے سری لنکا کے خلاف شاندار سنچری اسکور کرکے قومی ٹیم کی پوزیشن مضبوط بنادی ہے
پاکستان کوگال ٹیسٹ جیتنےکے لیے مزید 120 رنز بنانے ہیں جب کہ میزبان سری لنکا کو سیریز کا پہلا ٹیسٹ جیتنے کے لیے7 وکٹیں درکار ہیں
اوپنر عبداللہ شفیق ٹیسٹ کیریئرکی دوسری سنچری اسکورکرکے 112 رنز پر جب کہ محمد رضوان 7 رنز پر ان کا ساتھ دینے کے لیے وکٹ پر موجود ہیں
اس سے قبل اوپنرامام الحق 35، کپتان بابراعظم 55 اور اظہرعلی 6 رنزبنا کر آؤٹ ہوئے۔سری لنکا کی جانب سے پراباتھ جے سوریا نے 2 اور رمیش مینڈس نے ایک وکٹ حاصل کی۔
