کرکٹ آسٹریلیا کے مطابق اتوار کو تاہلیا مک گرا کا کورونا ٹیسٹ مثبت آیا تھا۔ تاہم کورونا کی تشخیص کے باوجود انہیں آج بھارت کے خلاف کامن ویلتھ گیمز کے کرکٹ ایونٹ کے فائنل میں میچ کھیلنے کی اجازت دی گئی۔
رپورٹس کے مطابق کامن ویلتھ گیمز ایسو سی ایشن اور آئی سی سی کی مشاورت سے کرکٹر کو دی گئی اجازت کے بعد طبی عملے نے متعدد پروٹوکولز نافذ کیے ہیں جن پر میچ اور اس کے بعد بھی نظر رکھی جائے گی تاکہ تمام کھلاڑیوں اور آفیشلز میں کورونا منتقل ہونے کے خطرے کو کم کیا جا سکے۔
واضح رہے کہ آج ہونے والے مقابلے میں آسٹریلوی ویمنز ٹیم نے بھارتی ویمنز ٹیم کے خلاف ٹاس جیت کر بیٹنگ کا فیصلہ کیا تھا۔
