90 اسپورٹس کے مطابق ثمینہ بیگ کے ٹو سر کرنے والی پہلی پاکستانی خاتون ہیں جنہوں نے سب سے اونچی چوٹی پر پاکستان کا پرچم لہرایا۔
الپائن کلب آف پاکستان کے سیکرٹری کرار حیدر کے مطابقٖ ثمینیہ بیگ نے یہ اعزاز اپنی 6 رکنی دستے کے ساتھ حاصل کیا ہے، ثمینہ بیگ کے بھائی محبوب علی کا کہنا ہے کہ ثمینہ نے یہ اعزاز جمعے کی صبح تقریباً ساڑھے 7 بجے حاصل کیا ہے۔ چوٹی پر پاکستانی جھنڈا لگانے کے بعد اب وہ واپسی کے راستے کی جانب گامزن ہیں۔
وزیراعظم شہباز شریف نے بلند ترین چوٹی ‘کے 2’ سر کرنے والی پہلی پاکستانی خاتون کوہ پیما ثمینہ بیگ اور ان کے اہل خانہ کو کامیابی پر مبارک پیش کرتا ہوئے کہا ۔ ثمینہ بیگ پاکستانی خواتین کے عزم و ہمت اور بہادری کی علامت بن کر ابھری ہیں۔ وزیراعظم نے مزید کہا کہ امید ہے کوہ پیما دنیا بھر میں پاکستان کا پرچم اسی جذبے سے لہراتی رہیں گی۔ پاکستانی خواتین کوہ پیمائی کے صبر آزما کھیل میں مردوں سے پیچھے نہیں۔
دوسری جانب حکومت پاکستان نے رواں برس تقریباً چھ سو کوہ پیماؤں کے دستوں کو مہم جوئی کے لائسنس جاری کیے ہیں۔ رواں برس مہم جوئی کی سیاحت کے سیزن کو تاریخی سیزن قرار دیا جا رہا ہے،
واضح رہے دنیا بھر سے آنے والے لوگوں کے علاوہ پاکستان کے مہم جو نئے ریکارڈ قائم کرنے کے لیے سرگرم عمل ہیں۔ کوہ پیما ثمینہ بیگ اس مہم جوئی کے لیے کافی عرصے سے تیاری کر رہی تھیں۔ انھوں نے گذشتہ دنوں کے ٹو کو فتح کرنے کی اپنی مہم کا آغاز کیا تھا۔
