پاکستان نے سیریز کے آخری ون ڈے میں 53 رنز سے شاندار کامیابی حاصل کی۔ ہوا کے طوفان سے متاثر ہونے والے میچ کو 48 اوورز تک کم کر دیا گیا۔ پاکستان نے ٹاس جیت کر پہلے بیٹنگ کا فیصلہ کیا۔
شاہنواز دھانی نے اپنا ون ڈے ڈیبیو کیا جبکہ سیریز کے آخری اور تیسرے ون ڈے میں شاہین شاہ آفریدی اور حارث رؤف نے آرام کیا۔ میزبان ٹیم کے اسکواڈ میں حسن علی کی واپسی ہوئی۔
شاداب خان کی شاندار اننگز کی بدولت پاکستان نے 48 اوورز میں 269 رنز کا ہدف دیا۔ شاداب خان نے صرف 78 گیندوں پر 86 رنز بنائے۔ امام الحق نے 68 گیندوں پر 62 رنز کی شاندار اننگز کھیل کر ٹیم کو 250 رنز کا ہندسہ عبورکرنے میں مدد کی۔
یہ دراصل شاداب خان کا دن تھا جس نے 9 اوورز کے اپنے باؤلنگ سپیل میں 4 وکٹیں بھی حاصل کیں اور 62 رنز دیے۔ آخر میں پاکستان نے یہ میچ 53 رنز سے مکمل جیت لیا۔ حسن علی اور محمد نواز نے بھی دو دو وکٹیں لے کر شاداب خان اور پاکستان کرکٹ ٹیم کو ویسٹ انڈین ٹیم کے خلاف کلین سویپ میں مدد دی۔
