شاہد آفریدی کی بڑی بیٹی اقصیٰ آفریدی کی نصیرناصر سے شادی کی پروقار تقریب کراچی کے مقامی ہوٹل میں ہوئی۔ آج کی تقریب میں مہندی بھی ہوئی جس کے بعد اقصیٰ کی رخصتی ہوگئی۔ اقصیٰ اور نصیرناصر کا نکاح گزشتہ برس دسمبر میں ہوا تھا۔
تقریب میں خصوصی طور پرسری لنکا کیخلاف سیریز کیلئے کراچی میں لگنے والے قومی ٹریننگ کیمپ میں شریک کھلاڑیوں نے شرکت کی۔
تقریب میں کپتان بابر اعظم ، محمد رضوان، امام الحق، شان مسعود ، سرفراز احمد، حسن علی، عامر جمال اور اعظم خان شریک ہوئے۔
اس کے علاوہ سابق کرکٹرز معین خان، ارشد خان، محمد اکرم اور وقار یونس بھی شریک ہوئے۔
قومی فاسٹ بولر شاہین شاہ آفریدی تقریب میں مہمانوں کے استقبال میں مصروف رہے۔
یاد رہے کہ شاہین شاہ آفریدی کا نکاح رواں برس فروری میں شاہد آفریدی کی چھوٹی بیٹی انشا آفریدی سے ہوا تھا اور ان کی شادی بھی جلد طے ہے۔
